Con una lettera in “furlan sitadin”, il vecchio friulano del Centro di Udine, il presidente del Movimento Civico Culturale Alpino-Adriatico “Fogolâr Civic” e del Circolo Universitario Friulano "Academie dal Friûl”, prof. Alberto Travain, ha inviato, lunedì 21 maggio 2018, un indirizzo di saluto al neosindaco udinese on. Pietro Fontanini, a una settimana dall'elezione e sette giorni dal giuramento alla Loggia del Lionello. Eccone il testo. “Siôr Sindic, misurât une setemane, si fidisi di assetâLu par sorestant de Sitât ch'e son trente ains che si bat te culture par tignî sù e par slarzâ une idee di comunitât, motôr positîf di un Friûl no sotan di tirepîs talianòs e oltrans e prepotens nostrans. Si à sirût, in tanç ains, di tirâ fûr de Storie une lession valide pal vuê e pal doman di une comunitât che a Udin no je plui, che no à sens di sei, ch'e je sense lidrîs. Vôs di mus sigûr chê dal otimist ch'al viôt dome ben indulà che nol è! O vin fatis tantis par tirâ sù un Udin ch'al ves un fregul di sens di se, un caratar so fuart, frontât ben te Storie. O vin fatis tantis che, in cuatri peraulis, mai plui no si rive a metilis in rie! E bastarès dome chê dal “Patron Sivîl”, el Patriarce Beltram, fat votâ dal Comun dal 2001, patron laic unic, robe mai stade te Europe catoliche di une volte, esperiment par unî ore presint int di cumò parsore des relizons! E po chê dal Renc, che si à rinovât dal 2015 le samblee dal popul, chê 'sa medievâl e atuâl simpri plui, par tignî piade chê democrassie che se no le int si stufe! E po, el Complean de Sitât, ance chel partît dal 2001, dì de fondassion sitadine di Udin, basament prin di cualsisei discors di identitât siviche che si çacare dispès a pote e si sa ancemò mancul! Par no dî de fieste dal 3 di Avrîl ch'e à tacât cun noaltris cul sei onorade cun tant di bandiere fûr dal munissipi, dal1996! Nance çacarâ, dopo, dal ricuart sitadin dal grant ribalton di popul de Joibe Grasse 1511! Scanselâs le plui part dai zornalons in çarte e des televisionutis dal puest, slissâs o ridûs, taiâs o scoltâs di tanç sorestans che si àn dade le volte in trente ains ch'o sin, juste in barbe a trôs che nus àn sbeleâs e onorant che cuatri che nus àn rispietâs, o si ca a contâle, che no si mole! I vin fate dute cheste filastroce no par dâsi aiars, ma par maniere che se ch'o vin fat e o fasìn no si vedi di dismenteâlu, che i piart, se no, prin di dut le Sitât e ance dute cuante le Furlanie! Sperìn, Siôr Sindic, di podê ben contâLu ance Lui te rie di chei cuatri ch'e àn capît alc e ch'e àn vût rispiet. Fra chei, po sigûr, ance el sindic Honsell, chel prin di Lui, che no assetarìn che chel pôc o trop di atension ch'al à vude – lui di persone – su siars argomens nol vedi di sei no mai el frutin butâlu vie cu le aghe sporce! Su chest o sarìn leâi, sals e tremens: “furlans” pardabon, ansit, udinês, ma di chei di une volte, che no si schersave! Lui 'sa Al à mostrât un rispiet di noaltris cul jessi a cunvigne cun nô el 3 di Avrîl; cul meti le firme ai çapitui dal Renc, le samblee massime sitadine che o vin fat tant par tornâ, dopo secui, a imbastîle sù; cul assetâ, ance, in fin, chel program dal partît eurorezonalistic vignût fûr di nô in tanç ains di lavôr. Se Al sarà bon Sindic, pari di famee di cheste Sitât, ve che a fin di ben nus varà a So favôr come sitadins, tant che invessit o sarìn cuintri di cui che al ves di obleâ el nestri Udin intune sçate dome talianote, sense prospetivis di Mittel-Europe, di mari antighe e crosere di popui, che al è destin den di une fie di Aquilee. Augurant dut el ben pussibil”.